چارەسەرکردنی چرچی پێکەنین

چرچی پێکەنین

چرچی پێکەنین لە نێوان لووت و گۆشەی لێودایە. ئەم چرچە لە گەنجەکاندا قووڵ نیە و زۆر جوانە و بە ئاراستەی کوڵمەکان قیتە و وا دەکات دەموچاوی گەنجەکان بێچمی دڵ یان سێگۆشە لە خۆ بگرێت. بە تێپەڕینی تەمەن ئەم چرچە قووڵتر دەبێتەوە و روخسار بەتەمەن و ماندوو دەردەکەوێت و دەموچاو بێچمی چوارگۆشە لەخۆ دەگرێت و ئیتر وەکوو جاران گەش و جوان دەرناکەوێت.

هۆکارەکانی دروستبوونی چرچی پێکەنین

هەندێ جار ئەم حاڵەتە لەبەر شلبوونەوە و دابەزینی پێست، بۆ سەر چینی پێکەنین دروست دەبێت. هەڵبەت گرنگترین هۆکاری قووڵبوونەوەی چرچی پێکەنین، شلبوونەوەی و دابەزینی چەوری کوڵمەکان و چەوری ژێر چاوە و کاتێ ئەم چەورییانە دادەبەزنە سەر چرچی پێکەنین رواڵەتێکی نەخوازراو و ناشیرین و قووڵ دەبەخشنە چرچی پێکەنین و وەکوو پەردەیەک چرچی پێکەنین دادەپۆشن و هاوکات دەبنە هۆی دابەزینی گۆشەی لێوەکانیش.

شێوازەکانی چارەسەرکردنی چرچی پێکەنین

بۆ چارەسەرکردنی چرچی پێکەنین دەتواندرێت کەڵک لە تێکردنی ژێل وەربگیرێت و بە تێکردنی ژێل لە شوێنی چرچەکان لە قووڵی چرچەکان کەم بکرێتەوە بەڵام، لە لایەکەوە مەترسی تووشبوونی نەخۆشەکە بە ئیلتیهابی ئەو بەشەی ژێلی تێ کراوە هەیە لە لایەکی تریشەوە لەڕاستیدا هۆکاری سەرەکی قووڵبوونەوەی چرچی پێکەنین واتە دابەزینی چەوری کۆڵمەکان و چەوری ژێر چاو، چاک نەبوەتەوە. کەواتە دەموچاو هێشتاش هەر حاڵەتی چوارگۆشەی هەیە و نەگەڕاوەتەوە بۆ ڕواڵەتی کاتی گەنجی کە حاڵەتی دڵی یان سێگۆشەی هەبووە.

شێوازی دیکەی چارەسەرکردنی ئەم گرفتە تێکردنی چەورییە و چونکە لە چەورییەکانی خودی نەخۆشەکە کەڵک وەردەگیرێت ئەگەری تووشبوون بە ئیلتیهاب زۆر کەمە بەڵام، هێشتاش هەر توانای بەرزکردنەوەی چەوری کۆڵمەکان و چەوری ژێرچاویان نیە و وەک دەزانین دابەزینی ئەم چەورییانە هۆکاری سەرەکی قووڵبوونەوەی چرچی پێکەنینە.

هەر بۆیە کاریگەرترین چارەسەر بۆ کەمکردنەوەی قووڵیی چرچی پێکەنین، بەرزکردنەوە و گواستنەوەی چەورییەکانی کوڵم و ژێر چاوە بۆ شوێنی سەرەکی خۆیان، کە لە لایەکەوە دەبێتە هۆی چوونە سەرەوەی ئەو پەردەیەی چرچی پێکەنینی داپۆشیوە و لەو لاشەوە بە گواستنەوەی چەورییەکان بۆ شوێنی سەرەکی خۆیان واتە ئەو شوێنەی وا لە سەردەمی گەنجیدا لەوێ بوون، دەبێتە هۆی ئەوەی دەموچاو بێچمی سێگۆشە یان دڵ لە خۆ بگرێت. هاوکاتیش دەبێتە هۆی چوونەسەرەوەی گۆشەی لێوەکان.

ئەم نەشتەرگەرییە لە ڕێگای بێهۆشی کامڵەوە ئەنجام دەدرێت و تەواوترین و باشترین شیوازی چارەسەرکردنە لەم سەردەمەدا. کاریگەرییەکەی بۆ ماوەی دە ساڵ دەمێنێتەوە و وا دەکات دەموچاو لانیکەم ١٥ ساڵ گەنجتر ببێتەوە.