فارسی
عربی
کردی
نەشتەرگەریی جوانکاریی لووت و جۆرەکانی ئەم نەشتەرگەرییە
جۆرەکانی نەشتەرگەریی جوانکاری لووت:
هەموو ئەو کەسانەی بۆ نەشتەرگەریی جوانکاری لووت سەردانی پزیشکی پسپۆڕ دەکەن، پێیان خۆشە دوای نەشتەرگەرییەکە لووتێکی جوان و ڕێک و پێک و شیکیان هەبێت. بەڵام، ئایا لووتێکی جوان و شیک چ تایبەتمەندیگەلێکی هەیە؟
ئایا لە نێوان پیاوان و ژناندا جیاوازییەک هەیە؟
ئایا ئەندامانی دیکەی دەموچاو وەکوو چاو، گوێ، لێو و چەناگە و …هتد هیچ کاریگەرییەکیان لەسەر بێچمی گونجاوی لووتی کەسەکە هەیە؟
ئایا بێچمی سەرەتایی لووت واتە بێچمی بەر لە نەشتەرگەریی لووت لەو ڕووەوە کە ئێسقانی، کڕکڕاکەیی یان گۆشتی بێت، کاریگەری لەسەر ئەنجامی نەشتەرگەری جوانکاریی لووت هەیە ؟
ئایا ئەو جۆرە لووتەی، دڵخوازی کەسەکەیە دەتوانێت لە ڕووی هەناسەدانەوە کاراییەکی شیاویه هەبێت؟
لە وەڵامدا دەبێ بڵێین؛ هەموو ئەو پرسیارانەی لە سەرەوە ئاماژەیان پێ دراوە دەبێ بە لەبەرچاوگرتنی جۆری لووتی کەسەکە گرنگییان پێ بدرێت تاکوو بتوانرێت لووتێکی جوان و گونجاو لەگەڵ ئەندامانی تری دەموچاو و شیاوی ڕەگەزی کەسەکە دروست بکرێت. کە هاوکات توانای بۆنکردن و هەناسەدانی سروشتی هەبێت و بە تێپەڕینی کات نەبێتە هۆی کێشە و گرفت لە ڕێگای هەناسەدانی کەسەکە.
جۆرەکانی نەشتەرگەریی جوانکاریی لووت
نەشتەرگەریی جوانکاری لووت دەبێ بە شێوازێک ئەنجام بدرێت کە، لووتی نەشتەرگەریکراو لەگەڵ ئەندامانی دیکەی دەموچاودا یەک بگرنەوە و لە یەکەم نیگادا ڕواڵەتێکی دەستکرد و ناسروشتی نەبێت. زۆربەی ئەو کەسانەی سەردانی پزیشکی پسپۆڕ دەکەن داوای لووتێکی سروشتی و نیوەفانتەزی دەکەن کە دواتر سەبارەت بەو جۆرە لووتانە بۆتان باس دەکەین.
1. نەشتەرگەریی جوانکاری لووتی سروشتی:
زۆربەی پیاوان و هەروەها زۆرێک لە خانمان حەزیان لەم جۆرە لووتەیە. مەبەست لە لووتی سروشتی ئەوەیە کە گرفتە ڕواڵەتییەکانی لووت وەکوو لووتی قۆز، لووتێک کە سەرەکەی شۆڕ بووبێتەوە، لووتی خوار، و لووتی پان بە جۆرێک چاک بکرێنەوە کە لووت هاوکات لەگەڵ ئەوەی جوان بێتە بەر چاو، ڕواڵەتێکی دەستکرد و ناسروشتی نەبێت.
بە واتایەکی تر دوای نەشتەرگەری ئەگەر کەسێک ئەو شەخسە ببینێت نەزانێت نەشتەرگەریی جوانکاری کردووە.
هەڵبەت سروشتی بوون بە مانای مانەوەی کێشەکانی سەرەتا و گەورەبوونی لووت نیە بەڵکوو بە مانای هاوسەنگ بوونی تەواوی لووت لەگەڵ ئەندامانی دیکەی دەموچاو و نەهێشتنی زیانە لاوەکیی ڕواڵەتییەکانە، لەوانە شوێنی دوورینەوەکە، چاڵ کەوتنی زۆر لە بەشی پشت و پەڕەکانی لووت و بووچکبوونەوەی کونەلووتەکان.
لووتی سروشتی جگە لە ڕێکبوون لەگەڵ ئەندامانی دەموچاو بە گشتی کاراییەکی باشتری هەیە و تەندروستی کەسەکە لە دوای نەشتەرگەری دەپارێزرێت.
2. نەشتەرگەری نیوە فانتەزیی لووت
تەقریبەن نیوەی ئەو خانمانەی سەردانی پزیشکی جوانکاری دەکەن داوای لووتێکی نیوەفانتەزی دەکەن.
مەبەست لە لووتی نیوەفانتەزی جۆرێک لە لووتە کە هاوکات لەگەڵ هاوسەنگبوون لەگەڵ ئەندامانی دیکەی دەموچاو، بەشی پێشەوەی لووت واتە سەری لووت تۆزێک بەرەو سەرەوەیە و کەوانەی پشتی لووتیش تۆزێک زۆرترە.
لەم جۆرەدا پانیی لووت لە پێشەوە و قەبارەی کونەلووتەکان تۆزێک لە حاڵەتی سروشتی بچووکترە.
لەم جۆرەشدا لووت ڕواڵەتێکی ناسروشتی و تەجمیلکراوی نابێت و سەری لووت زۆر ناچێتە سەرەوە و ڕواڵەتێکی بەرازی لەخۆ ناگرێت و هەروەها کەوانەی لووت شێوازی خلیسکانی لە خۆ ناگرێت.
ئەگەرچی جۆری نیوەفانتەزی تۆزێک بچووکتر و ناسکتر لە جۆری سروشتییە بەڵام دەبێ ئەوە لە بەرچاو بگرین کە کارایی هەناسەدانی وەکوو لووتی سروشتی نیە و وەکوو نەشتەرگەریی سروشتی تەواو باش نییە، ئەگەرچی زۆربەی ئەو کەسانەی دکتور عەباسی نەشتەرگەری لووتی بۆ ئەنجام داون هیچ گرفتێکی هەناسەدانیان نیە و هەناسەدانێکی سروشتیان هەیە.
3. نەشتەرگەریی ناسروشتی لووت:
ژمارەیەک لەو کەسانەی سەردانی پزیشکی جوانکاری دەکەن داوای لووتێکی ناسروشتی دەکەن. لە تایبەتمەندییەکانی ئەم جۆرە لووتە ئەوەیە کە سەری لووت زۆر بەرەو سەرەوەیە. کەوانەی لووت زۆرە و پشتی پەڕەکانی لووت چاڵ کەوتوون و قەبارەی لووت زۆر بچووکە.
ئەم جۆرە لووتە ڕەنگە بۆ کاتێکی کورت بە تایبەت لە تەمەنی گەنجیدا جوان بێتە پێش چاو بەڵام، بە تێپەڕینی کات دەبێتە هۆی ناڕەزایی کەسەکە و وا دەکا سەرنجی خەڵک ڕابکێشرێت و دوای چەند ساڵێک کەسەکە داوای نەشتەرگەری چاکسازی دەکات و داوا دەکات لووتەکەی بگەڕێننەوە بۆ حاڵەتی سروشتی خۆی.
جگە لەوەش ئەم کەسانە، لەڕووی هەناسەدانەوە تووشی گرفتی هەناسەدان و بۆنکردن دەبن کە لە زیانە لاوەکییەکانی ئەم جۆرە نەشتەرگەرییە بێهۆ و نەشیاوەیە.